Mr.D

當人越大，就會對越多野唔順眼、唔順氣；
又當人大到某個年紀，就會對好多事睇化。
「唔順超」看似是年輕專利。
做我這一行，
最好唔好有唔順超既心態，
因為唔順超會令你氣餒。
頂唔順咪做，呢個係遊戲制度，
現在我好明顯係同自己攪作對。

垃圾keep住繼續高速放送。

咩叫「地獄」呢？「地獄」一詞為本人口頭蟬之首位，每當遇上痛苦事，以及近期常用。近期真係幾「地獄」。工作量多了腦不停轉…星期一日語課溫書壓力…身邊朋友「步速」不停加快…

其實我又唔太肯定，係唔係真係咁辛苦、咁累。我好似好耐都無真真正正咁用過個腦，大概…大概好耐了。無用腦又點辛苦呢？
某朋友不怕辛苦，轉工去4A's公司，咁佢又覺唔覺辛苦先？唔好講佢大過我幾年，我覺得年齡只係數字。好朋友，希呢？咁佢又辛唔辛苦呢？我成日覺我佢好辛苦，不過佢又好似好嚮往呢種生活。

一個人到處逛、返工、放工、吃飯、喝酒、躲在家裡亂按搖控。 晚上一個人上網、去看電影、無無聊聊、來來去去、開心不開心、大笑大叫，連續好幾天都是一個人。我唔係唔開心，只不過一切都力不重心，看似無能為力，其實又好似唔係。只係有點無奈加上寂寞。

到底「地獄」，係應該點樣下定義呢？

INDEPENDIENTE　|　DragonAsh

評分：80

新大碟的節奏感覺真是超群绝倫。《INDEPENDIENTE》是一張將拉丁美洲曲風披上日式嘻哈的專集。強勁吉他聲仿如置身在巴西和西班牙節奏，曲風時而拉丁、時而搖滾、時而輕爽。

用心的音樂，需要時間的打做。《INDEPENDIENTE》貴為10週年倒數大碟，十年歷史進化，DragonAsh已有可觀的音樂水平。以吉他帶出充滿熱情又舒爽的拉丁風情、再加上以日文創作出的歌詞，讓聽歌的人能夠透過音樂感受到Dragon Ash再度創作出讓人耳目一新的拉丁樂風。自前作《Rio de Emocion》，DragonAsh已經發放出陣陣拉丁氣色，今次可以說成延續。十年前後，音樂態度已經完全地徒然不同。

屬於Dragon Ash的季節感透過十多首歌完美的傳達，能夠代表時下年輕人充滿熱情的生活方式，這一張Dragon Ash作品絕對是今年春夏必備之選！

首選：Develop the music．Fly．夢で逢えたら

http://dragonash.co.jp/

是夜精神指數十分糟。
March 1st,2007 about 0:00 am
於旺角往藍田小巴，身體疲憊不堪，昏睡車上，以致遺失手提電話一部。

以我大概分析，
人同電話”不知分離”和”已知分離”既時間只係相差5-10分鐘左右，
我打自己號碼既時候，已經係留言服務，
香港人…手腳真係快。

已經報失，有新電話就可以用得，號碼不變。
電話簿亦於早前backup，大部份號碼得以保留。
又要買電話，十大隨身器具消費項目中，最唔抵買果一項…

尋覓隨身器具係極為費神既事，候選尋覓中…

M for Movie。
第31屆香港國際電影節聽朝10：00起網上訂票了，
除左開幕電影《再造人之戀》（I`m a cyborg, But that`s ok）外，
仲有大把心水正片，呢次一定可以大出血了。
你又有無興趣呀？
有就快Ｄ約我啦，我要就訂票了！

迪士奇「暗盤」節目表，如下：

再造人之戀、惡女花魁、刺青、多細胞女孩 、立喰師列傳 、
蟲師 、超時空泡泡女 、迴轉東京 、惡童 、奈良美智 A TO Z
其實仲有好多，不過我有時間睇既只有上面果10套，
買到飛就有緣到時見la。

我想身邊人改變，因為想別人愛護自己。
我想自己改變，亦因為想別人愛護自己。
改變、改造…沒關係吧。

《I`m a cyborg, But that`s ok》
香港仲係好似無呢套電影既新消息，
只知電影節有得睇，
姐係代表又要撲飛，
同埋自己一個睇…
自從睇過《JSA安全地帶》，
就開始注意導演朴贊郁老師既作品，
後來有以唔同角度講復仇既「復仇三部曲」，
《復仇》、《原罪犯》、《親切的金子》，
當中我最鍾意《原罪犯》，官能刺激，視覺效果一流。
今次一改風格，拍攝愛情喜劇，令人期待。