Mr.D

期待左好耐Sum41，終於係07' summer有動向了。
回想上隻大碟《Chuck》已經係04年尾既出品，
兩、三年間我都有不停聽，聽完做野都有沖勁、有火氣d。

我仲未完成夢想，聽住”Open Your Eyes”沖落山tim…

由朝忙到晚，終於順利完成Fashion Show。
1:30左右到場接機，
可能已經唔係第一次見松山，
所以無咩特別感覺，
反見fans咁熱情，
我明顯顯得有點古怪…
係機場一輪混亂後，
同松山坐保安車到中環，
我終於回到中環啦，好懷念。
放棄左同松山食庸記，
反而同雲妮沙去左食玉葉。

夜場既Fashion Show，
多左商家同工作夥伴到場，
好係咁易應酬佢地，
最開心係Eddy、Jaq、希都黎左一齊玩，
不停飲酒同傾計，志不在睇show。
完show 後，一大班朋友仔再去玉葉食麵食糖水，
so good~

渴望、衝動、自主。青春的基本失去了，
想與別不同、害怕被排擠的感覺都失去了，
只遺下時時覺得甚麼都不對勁的感覺。

我現在就是空蕩蕩。

浸係浴缸，就好不其然開始諗野…
係熱水中，寧靜地慢慢地，
差不多每一次我都會”當機”，
不過今次出奇地無。

23對染色體無多無少，遺傳因子亦無異變，
你我都係一樣，無什麼特別。

睇《去吧！稻中兵團》，一定有試過因忍笑缺氧而扭曲面容吧。

近日因亞禮既影響，去左買返《稻中》黎睇，
細個既時候只是走馬看花地睇呢一本漫畫，
古谷實之後既《庸才》、《17青春遁走》反而好用心睇。
睇返《稻中》既感覺係好原始。
一切誇張色情暴力、天馬行空既笑料都係原於人既基本，
好簡單咁講就姐係你內心入面，
陳幾何時都有諗過做d咁既野，
而且粗糙既畫功，令原始味更重。

儘管身邊幾多”正道之士”報以奇怪的反應，
你內心還是喜歡呢本咸故吧。

林海峰在《天空小說》中曾經有如此一種說法。
「得到左一樣深愛嘅嘢，即係將會失去另一樣深愛嘅嘢，得到即係代表失去，好公平。」
對於這種說法，我承認、也認同。
對事物迷戀都少了，怕了得到；
唔想進一步接觸迷戀既事物，害怕失去。

從來都是這樣，在我身邊流走的總比跟著我過得好。

從來都是這樣。

3月16，買了左飛睇野仔既音樂會。
但因為城市電腦售票網既網上買飛出現問題，
硬食要買多一張飛，而且兩張飛係分開坐的…
飛多了一張，有興趣就唔好浪費，聯絡我吧。