Mr.D

6月2，summer time終於係今日開始左，
足足遲左兩個多星期…
好一個完美星期日。

5月20，本來要開始我既summer time，
偏偏要係今日落雨，
最後相約卡拉OK，仲約左Candy dinner。

久違了大家。
過去半個月，我都相處於迷糊狀態，
做咩都做一半，返工又烚眼訓，返學又烚眼訓。
好彩岩岩既日文考試合格姐，
如果唔係都唔知點解個個星期一去烚眼訓lu…
（Wikie，我合格了…真係一頭汗，你又點？）
開始有點吃力，冒起仲讀定抖一抖既念頭…

我想再開動。
我會用一連串既活動刺激自己，
首先係聽日請左假，同Alien華去影相，
再到久違既鯉魚門…

再同大家閒談一下，
呢排真係好多古老當時興既發生：
1）黎明再唱《願你今夜別離去》
2）Jill 又唱《傻女》（同大陸D場Mix無分別，仲要令我諗起曾志偉既《傻佬》…笑。）
3）秋官再講迷…要眼神有手勢地講
以上。

心情有點不正常，
眼看呢個虛浮畸形荒唐既城市，畸形既愛已經達至泛濫。
空虛失敗孤單鬱鬱不歡，合埋雙眼只有一大堆負面情緒。
人一路下沉，我已經無力支持下去。

又病左。 一個鍾意講野既人，失聲你話幾慘呢。

今朝返工，見到我小學校長。佢係一個上左年紀既修女，佢當然係唔會認得我la，我都係用我緊餘記憶先認得佢，話晒都係十幾年前。話說當年小學三年級，我住緊既屋村面臨清拆，學校停辦，之後就轉左校lu。之後莫講話呢個校長呀，就連一條孖條兩份果個死黨同學仔都無見過啦。所以我童年記憶真係好薄弱，都係玩死老鼠、偷上屋村天台、跳千秋跌斷手…都係黑暗野多。

今日好似注定有Ｄ唔同咁。係因為天口開始有Ｄ熱？係因為坐飛天棺材個司機開得唔夠快？定因為尋日夜訓令我一雙雙眼皮變成三眼皮？原來係「人」。我今日係注定要見唔同既人。

返到公司收到池記既sms，內容大致上係佢轉左新工係左近返，約食Lunch。 池記真係好西利，「創意學府」時代佢已經係我佩服既同學其中之一。傾談內容中，發覺做設計又有邊個唔貪心先？（待續）（同日午夜1:30）做設計都係想咩都掂下姐。食完個Lunch之後好快又放工，星期一要上日文堂，過兩堂就考試…真係死。放學食飯又去左上海鋪，同阿希傾埋D口水計，大家比心機la…每一方面。係旺角街頭撞倒阿Wing，係雅錡個朋友仔。好耐無見，真係好耐，一時間腦海又吹過某d畫面，不過好快又吹走左。12:30坐車返屋企，係車上又遇到肥揚，肥揚講左佢近況，有時朋友一句問候原來背後可以有好大個故事。

少年二十寂寞時，同時又發生左幾多事呢。

從放復活節開始就有瑣碎事情忙著忙著，
首先係為自己買左台新電腦，方便日後自己的工作，作為推動自己，價錢有點貴…不過到底都要買呢。
之後係睇電影節，基本復活節每一日都去睇戲，最深刻係韓國作品《多細胞女孩》同香港記錄片作品《十月圍城》，睇完真係有諗返當年既決擇「讀電影定做設計」。
其實忙著都係些雞毛蒜皮既事，當中又做到咩呢？有時真係會因為自己浪費時間而煩惱。

今日係屋企寫文章時聽見蟬鳴，夏季始終來了。夏天做事會有多點沖勁，日子過得太安逸，係時候比一分努力。