Mr.D

近來生活、腦海都有點亂，不知如何說明才好。
我想說我是我未死得…同這個blog未關站…

最近都是忙著工作，雖然做得不太順利、不太開心，
不過都要努力，因為盡左力別人就不會多說話。
最近都有出街參加下朋友活動，
Polaroids Exhibition、動漫節…
前後去左Polaroids Exhibition三次，次次都唔同同伴，
最後一次係同姐姐、希去，都幾開心。
同細佬動漫節，唔係自己對動漫熱情減退，
而係人大了，會選擇一些有質素既野黎睇，
所以我一d都唔投入呢，細佬都係呢，兩個人好悶咁就行完…
最後入了隻Ashley Wood's Les Mort 13 Figures，出血。

床頭有一橦早前買落的書，好想了結佢地，
不過最近好難專心去完成一件事，所以blog咁耐都無更新，
其實其間好多文章都開了頭。

這問題好煩擾我呢…

七月十七，《The Dark Knight》上畫的星期四。
一直很留意TDK既消息，亦充滿期待，
雖然睇過trailer好多好多次，不過每次都好回味，
畢竟這是一段段精華，返煲再返煲依然有味出，
買了票睇夜晚十點三，放再工好累都要死頂去。

等左一年半終於睇完，近年少有的傑出電影，
水準之高完全超出動作電影的範疇，
散場時心內大聲鼓掌，久久不能平靜。
（這裡是香港，睇完一套精彩電影拍手掌，是會俾其他觀眾目光強姦的。）
每每看到Heath Ledger一幕幕精彩的演出，心中便暗自惋惜…

The Joker本身這角色已經有血有肉，要演出新經典談何容易，
Heath Ledger的表演好仔細， 例如Joker講每一個說話的語氣，
跟一些小動作”lam利”（界開左個嘴會合唔埋，成日留口水要”lam利”，自我猜測。）
我自己好喜歡Make the pen disappear同被Batman歐打的一幕，
Joker / Heath Ledger精神長存，You're my hero…

前排寄左一張Polaroid去參加exhibition，入選了。
大家有時間就去睇下個exhibition吧。

Our Last Polaroids Exhibition
時間：七月二十五日 至 八月七日
地點：又一城 Festival Walk LOG-ON 入口

當你的相機吐出一生人之中最後一張Polaroid時，
心情怎樣呀？

我還想你陪我多拍一張…兩張…三……

每個人都要有些依靠，不只是發生事、鬧情緒時，
依靠是個過程，是一種過度。

自從寶麗萊的停產後，我既寶麗萊生命都作左個小休息，
剛剛用高價買左幾盒相紙，可以再影了不過好貴呢…
雖然聽聞明年會有廠推出代用品，
但又怎樣能叫我在這個夏日苦苦守候？
FUJI INSTAX應該是不錯選擇吧，
mini 7S 定 mini55 好呢？

買了新的sketchbook，發覺握筆畫上紙有很大壓力，
好與壞應該點界定？

在”因鬧情緒而有壓力”和”因壓力而鬧情緒”之間徘徊。

六月三十，星期一。
我的第三天假期，一早就收到公司電話，真的很煩擾呀。
晨早就起身了，睇下報紙、睇下書…
下晝去左睇Wanted，好刺激呀。
電影節奏感強、鏡頭銳利，配樂強烈金屬味道，
不過故事有d屎呢…

之後就是今日戲肉了，
就係睇「Let's Fight Live Round Ⅲ」。
7點正就入到場，搵到個好位，
等得開場已經係8點幾，未開始跳就雙腿發麻…
林曉培、小萱都好好睇，
Shino唱《心動》、《娃娃看天下》，我都好感動，
畢竟發生左咁多事，再走上台唱呢兩首我咁鍾意既歌，實在不易。
之後24 Herbs出場，個feel 好似佢地出場個show 先開始咁，
立即有晒氣氛，阿Paul出場就更將>氣氛推到頂點，
我自己就跳個不停，睇band就係可以咁放縱。

完show之後，約埋同場既Eddy and friends去下村食宵夜，
傾下計、講下故，之後就各自走了。

What are you Fighting for?
要架勢？要造作？要扮要攀？
唔係用口，係用手去比人知自己有幾勁抽，
衰左要認，打要企定定。
我fight for 真。真相、真理。

六月廿八，星期六。
向公司請左星期一既假，加加埋埋可以放四日，
我諗呢四日一定會過得好快，有野想就好快d做晒佢，
因為老細落晒order，八月中之後先可以放大假，
真係頂你個肺！

今日去左睇KTVTC 既畢業展，
不是期待有什麼驚人發現，去只為敘舊。
我記得當年都無參與畢業展，
一張畫都無放出來，大概因為連自己都唔滿意吧。
讀書真好，有自己時間做想做的、試想試的，
現在你叫我試野是一件多痛苦的事。
好快咁睇完之後就行下尖沙咀，
同+po、希、Roy去左食蕃茄通，
終於買到Icefire果件Rockin' Jelly Bean既tee，
等佢減價等左好耐，
係香港買Rockin' Jelly Bean既作品真係有d難。

這兩天都好難入睡，
在床上，腦海自然浮出大量畫面，
多是沒關聯的，有的是靈感，
要在起身坐下來記下的動力其實很微。

人愈大，少有再把自己的事一一解釋，
因太繁複瑣碎，甚至不想再提了。
不過小事還是像塵埃一樣堆積，
塵埃當中包含大量怒氣、無力…
不呼出來會爆的。

近期開始新一輪工作，又會開始忙了，
同時我亦計劃緊畫一系列的畫，目標明確，
希望可以快點開畫。

我經常心裡會不期然同身邊人比較，什麼都去比，
心自然會很辛苦、心灰…
我知自己的確很多地方比不上別人，
現在我只想做好自己，做得開心就夠了。

是真的，開心就夠了。